मनाङमस्र्याङ्दीले फ्रेन्डस् क्लवलाई ४–० ले पराजित गर्दै

काठमाडौं, २१ माघ ,शहिदस्मारक ए डिभिजन लिगको उपाधि दौडमा रहेको मनाङमस्र्याङ्दीले फ्रेन्डस् क्लवलाई ४–० ले पराजित गरेको छ । जीतसँगै शीर्षस्थानको मनाङ दोस्रो स्थानको थ्रिस्टार भन्दा ६ अंकले अघि बढेको छ।

मंगलबार दशरथ रंगाशालामा रुपेश केसीले खेल सुरु भएको दोस्रो मिनेटमै गोल गर्दै मनाङलाई अग्रता दिलाएका थिए । बाँकी तीन गोल अनिल गुरुङले गरे । उनको यो ह्याट्रिक लिगकै दोस्रो हो । यसअघि एपीएफ विरुद्धको खेलमा संकटाका आलिवालेले चार गोल गरेका थिए ।

११ खेल खेलेको मनाङको २६ अंक भएको छ । थ्रिस्टारको १० खेलबाट २० अंक छ । हारसँगै फ्रेन्ड्स सुपरसिक्समा प्रवेश गर्ने सम्भावना सकिएको छ । ११ खेलबाट १२ अंक बनाएको फ्रेन्डस् ११ स्थानमा छ ।

अहिले मंगलबारको दोस्रो खेलमा आर्मी र थ्रिस्टार भिडिरहेका छन् ।

Labels: Sports