एकपटक चार्ज गरेर चार दिन चलाउन मिल्ने लेनोभो मोबाइल

स्मार्ट फोनको सवैभन्दा दिक्क लाग्ने पक्ष हो– ब्याट्री छिटो सकिनु । दैनिक १२ घण्टा लोडसेडिङ अँध्यारो हुने हाम्रो मुलुकमा भनेका बेला चार्ज गर्न नपाइने भएकाले पनि स्मार्टफोनमा ब्याट्री टिकाउन निकै कठिन हुन्छ ।


तर, हालै नेपाली बजारमा आएको लेनोभो पी७८० मोडलको मोबाइलमा यो दिक्दारी छैन् । तपाईले एकपटक पूर्ण चार्ज गरेपछि लगभग चार दिनसम्म मजाले फोन चलाउन सक्नुहुन्छ । ब्याट्री सेभर मुडमा नराख्दा पनि तपाईले ४३ घण्टासम्म निरन्तर कुरा गर्न सक्नुहुन्छ ।
स्मार्टफोन बजारमा ‘किङ अफ द रिङ फर ब्याट्री’का रुपमा चिनिने यो फोनमा ४००० एमएएचको ब्याट्री जडित छ । यसले भारतीय बजारमा धेरेको मन जितिसकेको छ ।
५ इन्च स्क्रिन भएको यो मोबाइल डिजाइन र डिस्प्लेमा पनि निकै उत्कृष्ट छ । १.२ गिगाहर्जको क्वाड प्रोसेसर रहेको पी ७८० मा एन्ड्रोइड ४.२ जेलिविन अपरेटिङ सिस्टम रहेको छ ।


दुईवटा जीएसएम सीम लाग्ने यो फोनमा पछाडीको क्यामेरा ८ मेगापिक्सेलको छ भने अगाडीको क्यामेरा ३ मेगापिक्सेलको । ४ जीवी इन्टरनल स्टोरेज क्षमता भएको यो मोबाइलमा ३२ जीवीसम्म क्षमताको मेमोरी कार्ड प्रयोग गर्न सकिन्छ ।
Lenovo-P780-2लेनोभोले यो मोडलमा थुप्रै प्रिलोडेड एप्सहरु राखिदिएको छ जसले तपाईका आधारभूत आबश्यकताहरु पुरा गरिदिन्छन् । सुपर ग्यालरी, क्यामकार्ड, क्याम स्क्यानर, फ्लास लाइट, रुट ६६ म्याप र थुप्रै गेम एप्सहरु पनि राखिएका छन् ।
प्रिलोडेड एपमध्ये सवैभन्दा रोचक एप हो ‘लेनोभो पावर’ । यो एपले तपाईको मोबाइलमा भइरहेको ब्याट्री खपतको सूचना दिइरहन्छ । साथै एपमा बिभिन्न मोडहरु सेट गरिएको छ, आफ्नो सुबिधाअनुसार तपाईले ती मोड सेट गरी मोबाइलको ब्याट्री जोगाउन सक्नुहुन्छ ।
नेपाली बजारमा यसको मूल्य ३६ हजार ९ सय रुपैयाँ रहेको छ ।

Labels: Technology