वर्षौदेखि भेरी नदीको पानी पिउन बाध्य

जाजरकोट जगतिपुर र सीमा गाविसका स्थानीय बासिन्दा खानेपानी अभावमा दूषित कुवा र भेरी नदीका पानी खान बाध्य छन्। 

 

 जगतिपुर गाविसको कुदु, कुस्तरा, विष्णेचौर र सीमा गाविसको छेडाचौरका बासिन्दा खानेपानीको उचित व्यवस्था हुन नसक्दा दूषित भेरी नदीको पानी खाँदै आइराखेका छन्। 

 

जगतिपुरको ७, ८ र ९ नं. वडाका समुदायको छहरीमुहान खानेपानी आयोजना प्रभावकारी हुन नसक्दा वर्षमा सय दिन जति मात्र उपभोताहरूले उत्क आयोजनाको पानी खान पाउने र वर्Èका अरू सबै दिन भेरी नदीको पानी खाँदै आइराखेको कुस्तराका शेरबहादुर बस्नेतले बताए ।

 

“बर्सातमा भेरी नदी धेरै धमिलो भएमा ३ वडाकै समुदायले जगतिपुर–७ को मेलसोता खोलामा रहेको कुवाको दूषित पानी खान बाध्य हुनुपर्छ”–शेरबहादुरले भन्नुभयो। मेलसोता खोलाको कुवा“को पानी प्रायः जसो गाई, भैँसीलाई पानी खुवाउन, मान्छेले कपडा धुन र नुहाउनका लागि प्रयोग गरिन्छ। 

 

 जगतिपुर–६ को विष्णेचौरमा बाह्रै महिना भेरी नदीको दूषित पानी पिउनुपर्छ। नेपालगन्ज, सुर्खेतबाट जाजरकोट जाँदा/आउँदा जाजरकोटको मूलगेटका रूपमा रहेको सीमा गाविसको छेराचौरमा सामान्यत दोकान, पसल र होटल भए तापनि खानेपानी आयोजनाको व्यवस्था नहुँदा बाह्रै महिना भेरी नदीको दूषित पानी खानुपर्ने अवस्था छ। 

 

 उक्त छेडाचौरमा खानेपानी, भाँडा माझ्ने, कपडा धुने, नुहाउनेजस्ता सबै कामका लागि भेरी नदीकै दूषित पानी प्रयोग गरिन्छ। 

Labels: National