डन छुटाउन प्रधानमन्त्री कार्यालयबाट फोन

अघिल्लो सरकारकै पालामा पक्राउ परेका डनलाई छुटाउन नयाँ प्रधानमन्त्रीको कार्यालयबाट फोन जान थालेको खबर आजको नयाँ पत्रिकामा खबर छापिएको छ।
काठमाडौ प्रहरीले थालेको गुन्डा अपरेसन का क्रममा पक्राउ परेका बलराम सापकोटा बले र तेजेन्द्र गुरुङलगायतलाई छुटाउन प्रधानमन्त्रीकै पिएले प्रहरीलाई फोन गरेका छन्। स्रोतका अनुसार प्रधानमन्त्री सुशील कोइरालाका पिए लक्ष्मण ढकालले बलेलाई छुटाउन प्रहरी नेतृत्वलाई दबाब दिएका छन्।
प्रहरी नेतृत्वले काठमाडौ प्रहरी प्रमुख रमेश खरेललाई बले छुटाउन प्रधानमन्त्री कार्यालयबाटै फोन आएको जानकारी गराएको छ। तर, खरेलले त्यस्ता दबाब नसुन्ने बताएका छन्।

Labels: Featured, National