काठमाडौं, फाल्गुन ५ । ट्राफिक प्रहरीले राजधानीमा लेन अनुशासनको पालना नगर्ने र तीब्र गतीमा गाडी चलाउने चालकमाथि कारबाही थालेको छ । ट्राफिक प्रहरीले यो अभियान राजधानीका चाबहिल, कालिमाटी, सिंहदरबार, महाराजगञ्ज, केशरमहल लगायतका ठाउँबाट सुरु गरेको हो ।

एक सातासम्म नियम उल्लंघन गर्नेलाई सचेत गराउने र त्यसपछि भने कारबाही गरिने महानगरीय ट्राफिक प्रहरी प्रभाग दरबारमार्गका प्रमुख प्रहरी निरीक्षक सीताराम हाछेथुले जानकारी दिए ।

केशरमहलमा आज नियम उल्लंघन गर्ने एक सय जनालाई कारबाही गरिएको ट्राफिक प्रहरीले जनाएको छ ।